De nuuj Prinsepare zeen al waeke good gezind.
Mer geer moos lang wachte op de 1ste hint.
V’r höbbe dan ouch ff getwiefeld of v’r uch waal eine hint mooste gaeve.
Mer mit de start van ‘t nuje jaor begint de vastelaovend bie de meiste pas ech te laeve.

De Kers dae is väörbie, de aolieböl zeen op.
Hie en dao stuit al ein steek oppe kop. 
Mer wae wurdt toch dae 44ste prins van ’t Zawpenseriek?
Woont hae in de Verkessteeg, de nuuj buurt of oppe diek?

Wae haet straks toch de Prins in de straot.
Gevolg door hiël get man van de wieze road. 
Das te al kèns weite wo de Prins woont zal sjnel genóg blieke.
Mer ‘t is waal ein kwestie van ‘ns tegooj kieke. 

Dit jaor gaon v’r iës lekker same (s)teke zènge.
De Prins en Prinses wille daonao gaer get mit uch sprènge.
Daag en nach, de Roepoepers, Nuchter Vertroch, jederein is d’r bie.
Beteikent dit dan ouch get muzikaals in de Prinsegalerie?

De Jubeleumprinse waore tot noe toe op ein bepaalde maneer gekluerd.
Mer of weer ‘t rieke aafmake zóa wie ‘t zich wiskundig huert?
Weer houpe dan ouch van harte dat g’r allemaol kómp kieke.
Op dae aovend zult g’r zeen wae de nuje Prins zal blieke.
Bèn mer neet bang ‘t zit m in ‘t blood.
En dat Zawpenseróad?….. dat stuit ‘m ech waal good.

LAAT EEN REACTIE ACHTER

Please enter your comment!
Please enter your name here