moos zweve in de baan van `t óngewisse
Nurges nog huërde me eine kreftige alaaf
`t sjóan moutse oethaole moos me misse.
Noe kump weer laeve in de broewerie
Zawpense stèlde hun hóaghede väör
Trókke door Beeg mit meziek daobie
en sjónkelde achter kefees hun däör.
Achterein kènt me weer vriejelik kwatsje
want mómbakkesse drage is neet mië in
Op maot van de sjóan prinsepare klatsje
die mit medaljes stense es Gruëtsje Pin.
In hunne tempel hange de aw vedètte
ein bezunjer kómpenie en sjiek op riej
Eine nuje prins mót dalik good oplètte
kènt hun pertrèt nog waal of neet derbiej.
Of gezaegend wurt `t vastelaoves waer
dat stuit väörluipig in de sterre gesjreve
Mer same wirke deit me ieferig en gaer
daoróm is Beeg nog ummer Beeg gebleve .
Guus Kitzen
