Wie hiltj me zich allewiel nog op de rails
in ein sjnel verangerende maatsjepie
me kómmeleseert via internèt en mails
en hiltj ‘t illektronies gewèldj koum bie

Es bènnebaer zit me achter de computer
want de ganse wèlt sjoelt in zien ónthawd
en krigs zoa gratis hoesarres bie geploeter
want, waat vandaag nuuj is, is mörge al awd

Laeve mit mobielkes en tablets is zoa gaaf
toezjoer käöre vingertup dat glazere sjerm
väöle rake aan die gelieërde aezele versjlaaf
en waere echte apostels der leefde ocherm

Waat te zègke van óngeveulige automate
die gaeve gein muulke van genaegeheid
sjus dat of ze ós nórme en waerdes hate
en klasjenere wie aan balies hun óntgeit

Zoa liët de semènt van de samelaeving los
gaon weer stilkes sjoan illemènte misse
zeen mit alle respek dèk zjwakere de klos
sterkde väör de aktieve, mit eur permisse

LAAT EEN REACTIE ACHTER

Please enter your comment!
Please enter your name here