Mit Danny, Sanny, Jeroen en Myron es de nuuj oetbaters!

Ein kersdiner mit wildj oppe taofel woor ein kersdiner mit ein wildj idee. Dit woor get serieuzer rondj awt op nuuj en nog serieuzer in jannewarie nao oriënterende gesjprekke mit betròkke partieje.

Nao ’t berich van Mo dat hae ’t neet langer allein koos oape hawte ònger de huidige òmsjtandighede realiseerde veer òs dat dit in deze tied auch gewäönweg neet allein te doon is. Mer….dus waal missjien same. En ein toe däör bie café Aurora dat waor wat òs betruf zoawiezoa gein opsie.

Väör dat v’r ’t wiste raakde v’r enthousias en zaoge v’r waal degelik mäögelikheje.

Enthousiasme sjloog òm in planne en òngerzeuk en resulteerde in ein besjloet dit avontuur same aan te gaon.

Veer wille ein dörpscafé blieve wo jònk en awt zich kent trèffe ònger ’t genot van ein lekker glaeske beer. ‘T sociale karakter sjtuit bie café Aurora väörop. Mèr veer laote uch ech neet verhòngere.

In de kòmmende tied zulle veer nog vollop bezig zeen mit òs ideeje en de oetveuring daovan. V’r höbbe de tied. Coronamaotregele sjtaon aopegaon nog ummer in de waeg. Daonaeve wille veer, same mit de stichting en Mo, de äövername good plenne en auch de tied pakke ’t café eige te make en aan te passe wo nuëdig.

Veer blieve alle veer wirkzaam bie òzze huidige wirkgaevers. Daonaeve höbbe v’r same 7 kenjer die v’r auch gaer de aandach blieve gaeve die ze verdene. Dit beteikent dat tied òs kosbaarste investering in ’t café zal zeen.

Veer houpe uch òngersjteuning te kriege ònger òs motto: “door, väör en mit Beeg”.

Veer hawte uch via dees waeg gaer oppe huegte van òntwikkelinge en planne.

Houpelik zeen v’r òs sjnel in café Aurora.

Danny, Sanny, Jeroen en Myron

Advertentie

4 REACTIES

    • Mijn excuses. Ik wist niet dat deze site en dit café bedoelt zijn voor mensen die wel deze taal kunnen lezen. Ben er namelijk naast deze opmerking een aantal keren op aan gesproken.
      Ik hoop dat jullie heel hart hebben kunnen lachen om mijn vraag om een vertaling.
      Fijn om te weten ook voor de andere ” nieuwe” mensen dat zo is in Beeg.

LAAT EEN REACTIE ACHTER

Please enter your comment!
Please enter your name here