Smörges
stiepend op `t breerke
spikkelere mien ouge
in de loch
nao jeder gevläögeld deerke
dat op zien aangebaorendheid
is vertroch
Zeen ze trèkke
de tróbbe of gevórmde rieje
nao `n vraem landj
oppe kómpas
van zón en maonestandj
óm
te äöverbrögke twië jaorgetieje
Bevlaoge
kómme ze nao eine amelank trök
óm ós`t väörjaor en gelök
te brènge
en te traktere mit zènge
Vandao
kiek ich ze gelaote nao
