Väöl luuj dènke dat mit ’t lèste Gabriëlbal ’t Gabriëlfónds is opgeheve. Dat is neet ’t geval. ’t Gabriëlfónds geit in samewirking mit De Gawstrèkkers nog zörge dat de sokkel van ’t Gawstrèkkersmonumènt wurt vernuujd. Aan Jo van der Sluijs is gevraog óm e beukske te sjrieve äöver de gesjiedenis van de Gabriëlle. Op Facebook is t’r al e väörpreufke te vènje in de serie “Wèts se nog?”.
’t Gabriëlfónds haet zich altied ingezat väör de saamhuerigheid in ’t törp. De Gabriëlle zeen dan ouch hiël gelökkig dat zich zóa’n twintjig vereiniginge höbbe aangebaoje óm te helpe bie ’t bal. Ein dörpsfiës geit ’t waere. Väör alle mitwirkende zal op zónjig 3 juni nog ‘ne aafsjeidsmiddig waere gehawte. Daonao zal de definitieve vereffening van ’t Gabriëlfónds plaatsvènje. Geer huert ‘r nog van.
