De hemel bróng ós hits oet de hèl
haw jederein mer aan te wènne
ouch de zón waor óngenäöjetig fèl
dae bakaove dróng door pos bènne
Sjeij mich meug waat waor`t heit
de geis haw daobie väöl te lieje
ós gevele kaanjelde van de zweit
luftige kleier plekde aan ós prieje
Gewasse en buim dege versnirke
door battere van de kaopere ploert
in de beurs gaon weer dat mirke
wae wèt wie lank dat naodeil doert
Weer zulle de keulte gaon prieze
noe de hits zich haet trókgetroch
mer nóajts vergaete óm te wieze
doe oot me kaw sjotel,wèt se nog.
Guus Kitzen 2018
