“Gawzemoder”.

Dat waor d’n iëretitel dae Mia bie de oprichting van ós nuuj vereiniging in 1991 van de Gawstrèkkers kreeg wie de functies woorte verdeild.

Op dat momènt haw Mia daen titel al döbbel en dwaes verdeend. Van wie de Gawstrèkkers in 1976 weer actief woorte, waor de boerderie van Mia en Lei de plek wo de gaws mog insjlaope en geprepareerd woort väör ós jaorlikse ritueel. Ouch al waor Mia neet gebäörtig van ós dörp, vanwaege häör leefde väör ’t dörpslaeve en de aw tradities, haet zie zich hie altied thoes geveuld. Daobie kreeg ’t Gawstrèkke ’n spesjaal plekse in häör hart.

Bie Mia op sjoot mog de gaws insjlaope en woort nog éns good gewasje en geföhnt väör ’t gróate momènt. Óngerwiel ’t deer door de Gawstrèkkers woort geprepareerd, haw Mia al de pan op ’t vuur mit sjpek en eier. Ouch dat typeerde Mia. Nooit oppe väörgróndj, altied zörgzaam e bietsjke achteraaf. En dan ouch nog kónne genete van zoon Cor dae leefs veer kiër op machtige meneer Gawzekäöning woort. Oppe jaorlikse barbecue van de vereiniging bie Cor oppe boerderie sloot ze dan ouch altied gaer aan.

Mia bedank!

1 REACTIE

LAAT EEN REACTIE ACHTER

Please enter your comment!
Please enter your name here