Wae de jeug haet, haet de toekoms. Dat gultj ouch väör de vastelaovend. En zeker in dees raar tieje, wo in gein normaal program gedriëjd kènt waere, mótte de kènjer ’t vastelaovesgeveul perbere vas te hawte
VV de Zawpense organizeert daoróm op zónjig 14 fibberwarie toch eine kènjermiddig , mer dan waal waal ram digitaal. Alle kènjer kènne vanaaf noe filmkes insjikke. Aw filmkes, of nog op te numme, alles kènt en maog: ’n denske, playback, ech zènge, vastelaovesknutselwerk, maak niks oet. Doon dien bès en sjik dien topprestasie väör zaoterdig 13 fibberwarie nao kenjermiddig@zawpense.nl. Alles wurdt op dae zónjig vanaaf 14:11 oer achterein gezat en oetgezónje op ‘t Zawpensekanaal van YouTube en via facebook gedeild. D’r zeen natuurlik ouch sjóan prieskes te wènne. De wènnaars waere ouch dan bekènd gemaak.
Dus: maak, allein of mit dien vrunj (waal corona-proof estebleef) gaw e sjóan filmke, steel get leuks inein, zeuk bie de pap en mam in de archieve en sjik ‘t op nao de Zawpense (väör zaoterdig 13 fibberwarie nao kenjermiddig@zawpense.nl).
En kiek dan natuurlik op de 14e fibberwarie allemaol (ram oetgedos in vastelaovestenuu) nao de oetzending van de kènjermiddig.
Sukses en alvas väöl plezeer.
DRAAG JE BEEGPUNTNL EN ONZE LOKALE ONDERNEMERS EEN WARM HART TOE? STEUN DAN ONZE CROWDFUNDINGSACTIE.
