Op vriedig 28 fibberwarie wurdt op Bazissjóal de Kingbeek weer vastelaovend gevierd.
Väör de invulling is d’r sinds 2020 ein samewirking op touw gezat tössje ’t Vastelaovescómité van de Awwervereiniging van Bazissjóal de Kingbaek, CV De Reube oet Obbeeg en V.V. de Zawpense oet Beeg. Dees samewirking is óntstange, ómdat de jeug oet de beide dörpe vertegenwoordig is op Bazissjóal De Kingbaek. ’t Doorgaeve van de vastelaovestradisie wurdt gestimuleerd door alle betrokke partieje. Dit beteikent dat alle hóaghede, de jeugraod en dansmariekes in de optoch aanwezig zeen.
De daag start mit ein gevarieerd (beslaote) ochtendprogram op sjóal, wo alle kènjer mit hun eigen klas tiejes Kènjerzitting zulle optraeje väör de hóaghede. Aansloetend zal van 11:00 tot 12:00 oer zal eine bóntje stoet door de straote van Beeg trèkke.
OPTOCHTROUTE
Startpunt is ’t St. Catharinaplantsoen wonao de optoch ziene weag vervolg via de Schoolstraat, Houtstraat, Lindenstraat, Dr. Duijsenslaan, Thorbeckestraat, Raadhuisstraat, Boulevard, Nieuwstraat en tenslotte weer het St. Catharinaplantsoen.
Weer wille de bewoners van baovegeneumde straote vrundjelik verzeuke óm vriedig 28 fibberwarie 2025 tösje 10:00 en 12:30 oer de straat vrie te make en de auto’s elders te parkere. Aan ’t publiek wille weer vraoge de auto’s neet op de optochroute te parkere
Nao de kènjeroptoch nuedige weer ederein van harte oet óm same mit ós nog efkes door te fiëste in Zawpensetempel Oos Hoes. Van 12.00 oer tot 14.30 oer hawte weer ein kènjeroptoch-bal, mit meziek, gezelligheid en de kans óm nog ‘ns door de zaal te raoze. Väör de honger wordt ouch gezörg, want d’r zeen bruedjes knakwoos verkriegbaar. Kóm dus gezellig mit ós mit. Sjpas väör jongk en awt!!
Weer houpe weer väöl publiek oet allebei dörper te treffe!
