4.5 C
Grevenbicht
woensdag, 24 april 2024

Ós kirktaore hane

Zeen de aangaevers van kopwèndj
ze teikene väör besjerming en leech
en väör `t sjoane zeen ze neet blèndj
kènne `t bezónjere róntjelóm Beeg

Wille mit gein anger plaetske toesje
en kieke gruëtsj op ós dörpke neer
door de jaore haer bleef `t broesje
dat deit se dao baove väöl plezeer

In hun ónthawt steit ummer nog vees
dat zate zich orjenteerde op de taore
es se kaome van danszale of oet kafees
en gaar neet mië wóste wo ze waore

Stols kukelekuje ze op ós rieke historie
me zat Beeg wied en zied oppe kaart
mit respek blieve ze drage dae glorie
get van tiedelik lik neet in hunne aard

Ós hane ekstemere ouch de sterke bandj
zeen dat de gemeinsjap good blif driëje
en ze kukelekuje dankbaar naovenant
me huërt se in Papenhaove nog kriëje

Me is hie neet väör ein gaat te vange
dat weite de twië hane mer al te good
ze höbbe al väör heitere vure gestange
en `t kemik doon zit ós waal in`t blood

Laot ós sjoan dörpke mer leeflik drieve
op alle opgeboewde rieke illemènte
en maog al `t döbbele hie iëwig blieve
mit wiesheid van de hane bie momènte

Wo mót, doon ze de vereiniginge duje
en zètte de nuuj ideje volop in `t leech
mit gruëtsj- eweg daobie te kukelekuje
want: waat zów Limburg zeen zónger Beeg

gerelateerde artikelen

LAAT EEN REACTIE ACHTER

Vul alstublieft uw commentaar in!
Vul hier uw naam in

Hoofdadverteerders

Aankomende evenementen

Verenigingen

laatste nieuws