Begriep wie sjóan ós dialek toch is
bewaar de riekheid van de klanke.
Oet respek aan eine vreugere kómpenis
dae weer iëwig daoväör wille danke.
Ómdat `t wieskes in zich haet
die hiël zach zèngend klinke.
Waal hiej en dao get anges zaet
óm baove `t Holles oet te blinke.
Huers dèks zègke zóa her en der
dat me gaer loestert nao ós perleite.
Aan `t koddig rolle mit de ‘r’
kèn se de Maaskantjers in feite.
Mien awwers gove mich de iëste lès
Spelentaere deegs te `t zóa liëre.
Kals noe `t plat wie oet dien nès
blieve dat ouch doon, hun ter iëre.
Vruntjelik is de vraog aan uch alle
prebeer dialek te laeze of te sjrieve.
Allezelaeve geit`t dan good bevalle
en zal ós naobel plat,iëwig blieve
