Me haet ós welt väöl pien gedaon
mit brónne te rouve oet de natuur
me huërt dao baeter mit óm te gaon
en häör te zeen es allerleefste buur.
Noe löp de wermde op door oetstoat
dat deit `t poolies en de ieskep doaje
wasse ziëe en oceane op óze aerdkloat
zoa geit de dampkrènk äöver de roaje.
Kladderdaatsj raengend `t piepestele
mót me liëre ómgaon mit oetnaam waer
kènne rejole `t waterspeel neet vernele
en pratsj in de straot haet nemes gaer.
Knappe kóp zeuke ein richtige remedie
väör ein vraem en verangerend klimaat
mer de loch wèt niks aaf van dae studie
die watert bie noad nog, mit aope gaat.
