14.1 C
Grevenbicht
vrijdag, 24 mei 2024

Taenge wèndj

Allewiel haet ós welt de wèndj neet mit
zelje nog bleus hae goddelik op óze rök 
Ómdat in de ómgank dék de faelder zit
kalt de natuur vervolges straovend trök.

Me verpalaasj neet mië hemel en aerd
door mië en mië rinkelt good de kassa  
Duurzaamheid krig väöls te min waerd
dae wèndj mót driëje vuntj de massa.

De natuur is`t fundemènt van alle laeve
dat mechtig beeld versakkere is ein sjanj
Vraog dudelik om te numme en te gaeve
dus biet väör dae wèndjwiezer oppe tanj.

Mit dat intenzieve geit de sfeer verlaore
mót laeve in eine óntsmètte posteleinskas
Die buuj bliek aangaons neet op te klaore
mer blif in doon en laote ein groate las

Laote weer wo kènt de wèlt baeter make
gedreve wie mäölewieke door de wèndj
Mit biologisch aevewich strang te bewake
es ein bezórgde moder äöver häör kèndj.

Guus Kitzen

gerelateerde artikelen

LAAT EEN REACTIE ACHTER

Vul alstublieft uw commentaar in!
Vul hier uw naam in

Hoofdadverteerders

Aankomende evenementen

Verenigingen

laatste nieuws