14.4 C
Grevenbicht
maandag, 17 juni 2024

Tourkal

Ze fitse zich ’t sjnoter oppe sjtange
volle petat , dèks “55’’plat op ’t oer
kènne kepot aan d ’n illestiek hange
op ein godwètwiezjwaor parkoer
Kachele oere mit de puntj in’t haol
zaalridders op dae dansende baom
kómmedere zichzelf mènnig maol
en gaon mit-oere boete de sjraom

Väöle kènne de man mit de hamer
de sjtóm vergissing van de sjas patat
door äövermood oet de raekenkamer
wie hae goesting haw op’t valsj plat

Knechte haole drènke aan de wage
dao kriege ze eine plekkende bidón
gaon klinkrieje of kwansies get klage
en dan op de 12 trök nao’t pilletón

Nemes haet get op mit amientjes
vampiers kóntrolere ummer op nep
huëgstens gebroeke ze vitamientjes
jederein sjuuwt de heksejach op pep

Numme kutebieters mit aope truike
langs raviene en kaalgesjlage berg
neet dènkend aan moder en vruike
die sjoevere zich thoes bie’t dale erg

Sómmige sjtappe väöl ste hel aaf
rieje’t kerke in de poep of in de sop
kwakke oppe kokesnoot in de graaf
en sjravele versjangeleerd weer op

Saoves ligke ze op de striekplank
dao vrif me ze weer saws in de bein
zoa waere de spiere weer gesjwank
en geit ’t mörge sjus wie van allein

Vorig artikel
Volgend artikel

gerelateerde artikelen

LAAT EEN REACTIE ACHTER

Vul alstublieft uw commentaar in!
Vul hier uw naam in

Hoofdadverteerders

Aankomende evenementen

Verenigingen

laatste nieuws