Op `t meist oastelik puntj
aan de kös van de zόn
wo me nog eige waeze vuntj
geneet ich vanaaf `t balkόn
Besjnauts mich de όmgaeving
wie sjoan `t rόndjόm waal is
ech romantis in mien belaeving
ein paredies väör jedere toeris
Zeen weuste rotse en sjoan baje
daobie ein aantrèkkelik strandj
wo de luuj plόnsje of berves waje
in `t dreige of in `t rulle zandj
De boewsels oet vervlaoge tieje
zeen prachtig en karakteristiek
en pawmebuim twieë lang rieje
make de prόmenade hie zoa sjiek
Ich maog aome όnger de hemel
de zuver loch baove de zieë
gezѐllig is ouch al dat gewemel
wat wilt eine miensj nog mieë
Mer ich veul mich neet gaer toes
es ich in `t boetelandj `ns bèn
gaon dalik lever weer nao hoes
dao wo ich miene eige toemel kèn
